КСДП партиясы өз мүчөлөрүн кайра катталуу жана жаңы партиялык билет алуу үчүн күтүп жатканы маалым болду
Катчылыктын жетекчиси Таалай Усубаелиевтин айтымында 6-апрелде КСДП партиясынын съезди болот.
«Ага карата азыр даярдыктар жүрүүдө. 6-апрелде съездге катышыш үчүн 3-апрелге чейин партиялык билеттерди алмаштырыш керек. Биз билдирүүлөрдү жөнөткөнбүз. Эгер алар Иса Өмүркулов уюшутуруп жаткан мыйзамсыз иш-чарага баргысы келсе, анда партияда калтыруу же чыгаруу маселесин карайбыз. Азырынча байкоо салып. Күтүп жатабыз.»-деп кошумчалады ал.
Эске сала кетели, КСДП расмий түрдө оппозицияга өткөндүгүн жарыялады. Андан мурун Иса Өмүркулов КСДП партиясынын 3-апрелде өтө турган съезди өтө тургандыгын жарыялаган.
КСДПнын саясий кеңеши бул чечимди мыйзамсыз деп атап, партиянын съезди 6-апрелде боло турганын айтышкан.
